حيتجسسوا على إيه يا حسرة!!

يوم التلات اللي فات, 21 من الشهر ده , سمعتهم بره مشغلين برنامج العاشرة مساءا..شد انتباهي  فقرة بتناقش إيه أكثر الأخبار مشاهدة اليومين دول على الانترنت …اتكلموا عن حاجات كتير …الكريسماس , ويكيليكس , القرش في شرم الشيخ … كذا حاجة ..لكن من أكتر الحاجات  اللي علقت معايا موضوع ضبط شبكة تجسس اسرائيلية  في شركة اتصالات مصرية للمحمول..مش حتكلم أنا عن الموضوع نفسه عشان  حاجة تكسف !!... بس ممكن أتكلم  أكتر عن التعليقات اللي الناس قالتها اونلين عن الموضوع ده ..

كان واحد صاحبنا كاتب “ حيتجسسوا على إيه يا حسرة .. "احنا بلاوينا واضحة قدام العالم كله .. بصرف النظر... مفيش تعليق !!

 سمعت أنا حاجة بقى...خلتني أفكر فعلا “ لو واحد باع , في 80 مليون مش حيبيعوا “…عجبتني الجملة في الأول , بس بعد 3 لحظات فكرت , هو ده فعلا الواقع ولا أي كلام وخلاص ؟ و كنت عايزة أسأل الشخص اللي قال كده , تفتكر ؟ يعني لو أنا مش لاقي آكل ولا اعلم عيالي ولا ألبس ولا اشم هوا نضيف ولا اتعامل معاملة آدمية, تفتكر لو اتعرض عليَّ حل زي ده , مش حبيع ؟ !!

سؤال بيطرح نفسه مش لاقياله إجابة واضحة!!

تعليق تاني بقى حتكلم عليه لحد آخر البتاعة اللي أنا بكتبها ديه " اللي حصل ده خيانة..  بالظبط زي اللي بيبيع الغاز لإسرائيل"..ولنا هنا وقفة بقى ..هو مش بس اللي بيبيع الغاز خاين زي الجاسوس ده , ده اللي كمان بيزور في الإنتخابات خاين في حق  البلد  , والمدرس اللي بيكسل يعلم الطلبة عدل يبقى خاين  في حق العيال .. والظابط اللي بيستغل سلطته عشان يبهدل الناس , يبقى خاين في حق الناس .. والموظف اللي بياخد رشوة عشان يمشي مصالح الناس خاين في حقهم .. ولو اتكلمنا على المستوى الشخصي بقى , الناس اللي ماشية ترمي زبالة وتبهدل في الممتلكات العامة خاينة في حق كل واحد مصري .. والناس اللي عمالة تشتم في الشارع على الفاضي وعلى المليان  وعمالة  تؤذي ودانا , خاينين في حق الدين أولا( المسلم ليس بـسباب ولا لعان) وفي حق أي حد بيسمع الكلام ده  ثانيا..الولد اللي بدأ يعك ويدوس في “Drugs” , خاين في حق العقل اللي ربنا  اداة ليه  ومليون حاجة تانية … حاجات كتير بقى متعدش …مش عايزة أنا اعدد أكتر عشان مش ناقصة تعب اعصاب :S!

لو  حطينا الثلاث  تعليقات دول  مع بعض, حنوصل لنتيجة , إن التعليق التالت بيبطل اللي اتقال في تاني تعليق .. لإن الخيانة مش لازم تكون شيء مباشر كده .. كل اللي  بيقصر في حق دوره , أو في إيده يضيف حاجة وكسل, يكون خاين …( أكيد يعني على اختلاف درجات الخيانة )… وأنا مش أحسن حد ولا حاجة ..أنا للأسف أول الخاينين ..!!...Sadly!!..

بس خلاص !!

الشمس التي تشرق!!

توقعت ان تكون قد كسرت أخريات من قبلي بدون قصد ..  بـهذا الوجه السار المتبسم في وجه الجميع , مشعا منه  ماقد يحتاجه  المرء ليبدأ يومه  بالتفاؤل ., وما يحتاجه ليتزود به ليواجه تحديات الحياة المهلكة ..كسرتهم فقط لأنك قد كُسرت من قبل على أيدي احدى العاهرات اللاتي يستترن وراء هذا الوجه الملائكي البريء.. فتلعب بالرجال واحدا تلو الآخر .. فلم تستطع منذ ذلك اليوم  ان تثق في احداهن..فـكانت جميع النساء تنكسر إذا حاولن التقرب اليك , لأن أسوار قلعتك العالية كانت تقنعهم بالرحيل, يتألمون للحظات, ثم يرحلوا...مثلهم مثل اللاتي سبقناهن ..

أما أنا , فـأنا اختلف عنهم جميعا , لأنني ذقت مرارة هذا الألم من قبل ..فـإن كنت قد كسرت أخريات من قبل  بدون ان  تقصد, فـلن تكسرني أنا .. لن تكسر كبريائي .. نعم أحبك .. ولكن حبي  لكرامتي المتأصلة في كينونتي العربية أكثر بـكثير من هذا الحب .. لن تكسرني, لأن هناك من فعلها  قاصدا من قبلك .. حينما  تركني  فتاتا محطمة على شاطئ البحر الهائج شتاءا ..أملت ان يجمع أشلائي قبل ان يرحل , ولكنه لم ينظر وراءه للحظة واحدة, ولم يتردد في الرحيل  ..فـعزمت ان اصنع لنفسي هيكلا جديدا حديدا, كي لا يستطيع احدهم ان يحطمني من جديد ..وحتى يخفي هذه الجروح التي لم تلتئم مع مرور الزمن .. فتبقى  بعيدة عن اعينهم .. مستترة وراء هذه الابتسامة الزائفة التي تُرسم تجنبا للسؤال عن سبب الأنين.. فـكنت اتلقى الصفعات الجديدة ممن احببتهم بـكل تماسك وهدوء ..فـأبتسم بـقوة  وامضي .. غير قادرة على ان أوقف شلال الدموع الصامتة .. ولا الجراح النازفة المستترة وراء  ضحكاتي العالية.

احببتك لأنني كنت اشعر بما تعانيه كل ليلة.. ربما لم  اعرف  الكثير عن تفاصيل حياتك, لكن كل شيء يدل أن فيك شيئا  مختلفا عن  حياة الاخرين .. اردت ان  أُضمد جراحك  التي نتجت عمَا رأيته من قبل , ولكنك كنت في كل مرة تبتسم  وتبتعد ..فـكنت تقتل أي فرصة كي اعرف “من انت” واتحقق بـنفسي, "كيف تملكت على قلبي وعقلي  بهذه السرعة" !!!..فـأحببتك بدون الحاجة لمعرفة تفاصيل شخصيتك .. لقد تملكت قلبي حتى بدون التقرب إليك..فوقعت في حب لغتك الفريدة, التي تختلف عنهم جميعا...في حب استعلائك على الألم بـابتسامتك الناصعة الساترة على  أشجانك ...وقعت في حب وسامتك التي كانت تبتكر جمالها كل لحظة , لأنها تشع من جمالك الداخلي . فـأنا اشعر بـكل ماتعانيه لأني كنت مثلك في يوم من الأيام, ولكن الفرق أنه لم يلحظ أحد وجود طعنات سابقة..

كم  هو موجع هذا الإحساس الذي قد  قتل العالم في قلبي ولون الورود من حولي  باللون الاسود الموحش ..ورغم كل هذا , لم أكسر.. فـأنا فقط أتألم, وهو ماأصعب من الإنكسار. فـقد جاء الدور كي اتعلم منك.... أتعلم كيف استعلى على الألم مهما كانت شدته .. وكيف اقف في وجه الجميع بـكل قوة وكبرياء مبتسمه وساطعة , تماما مثلك , مثل الشمس  التي تشرق على عالمي بوجودك  من حولي !!

أول يوم شتاء :)!!

ليلتها بليل...بصيت في السما ..لقيتها مش زي عادتها ..كلها غييم ومخبية الهلال الصغير في أول الشهر العربي . جيت ابص للبحر...لقيته هو كمان مش زي عادته ... كان ثاير مش قادر حتى يتكلم ... ضحكت كده بـهدوء ودخلت سريري , وانا بحاول أبعِد أي أفكار بتزن جوه راسي .. 

صحيت على صوت مامتي " يلا اصحي...الجو النهارده شتا اوي....أنا حعطل باباكي عشان يوصلك على السكة "...إيه الجمال ده يا ماما ...هو أنا لما أكبر حبقى جامدة كده مع   اسمهان ومراد ,!! :D.....loool:D.. المهم ... رحت الكلية  ...محاضرة " Advanced Electronics".. درجات الميدترم التاني...درجة كويسة ...أحسن بـكتير من الي توقعته .. :)...الحمد الله :).. ده زودني فرحة  فوق فرحتي من أول اليوم .... I was feeling high keda :D!! ... كان ناقصني بس طلة من الشمس عشان يكمل جمال اليوم :)!!!!!!!!!!!!!!!!!

نزلت من المحاضرة .. الجو مغيم ... الأرض كلها مية .. أمشي يمين ..أمشي شمال ..يمكن ألاقي الشمس ؟...أبدا !!

المهم ...قلت طيب... أنا خلصت ..أعمل إيه دلوقتي ؟" الدنيا بدأت تشتي ؟ :D!!"..... يبقى ممكن أروَّح مشي على البحر .. طيب ...أنا موافقة .. Moneer in my ears ... and the storng wind is going against my forward steps towards the sea... بس برده حكمل :D!!

نعدي شارع الترام... ونوصل لشارع بورسعيد ... السكة فاضية قوي .. ممكن نعد الناس الواقفة في الشارع ... في اتجاه شارع البحر ... وفجأة الشمس تطلع علينا ... ياااااه ...مش كده بقى ...حتجنن ... !!! انبسط كده و  مشيت :$ 

كملت السكة على البحر ...البحر عالي بـشكل ماتشفش من وقت طويل... ولا مركبة في المية ....و الكورنيش كأنه بيتحايل على السما عشان تشتي ... الهوا يزق وأنا ازق أجمد وأكَمل ... ;)... وفجأة لقيت Rainbow في السما ... هنا بقى , كنت وصلت لقمة انشكاحي :D!!...بس ده طبيعي يعني ..مش الشمس طلت في وسط الجو المغيم ده ... لازم el-Rainbow يطلع :)...!!!!!!!!!!!!

نوصل البيت .. وكأنه في عزلة من العالم الخارجي .. أول بقى مادخلت البيت , فكرت لحظة كده , وبصيت حواليا... وقلت الحمد الله :)!!!

يوم في انتخابات مجلس الشعب ..

كان يوم عجيب قوي بقى... ليلتها , قعدت أسأل الناس على الانترنت " يا جماعة , أنا مش عارفة لجنتي فين .. معقولة حضرب مشوار للقسم عشان أعرف وبعدين أروح اللجنة في مشوار تاني ؟.. مينفعش يعني ينزلوا القصة ديه على ال site وخلاص ؟"... كان من الردود اللي سمعتها "على الموقع إيه بس  ؟..إنتي شفتي فيلم عسل اسود كام مرة ؟".... فـسكت ولقيت  ان مفيش حل تاني :S
صحيت يومها الصبح .. بفطر مع العائلة الكريمة..watching "صباح الخير يا مصر " كالعادة ...عاملين مجهود جامد الصراحة عشان يغطوا الإنتخابات ..ألاقيلك خير اللهُم اجعله خير .. تغطية ل " الرئيس وحرمه يدلون بـأصواتهم في انتخابات مجلس الشعب".. مبنى مدرسة عظيمة في القاهرة .. السجاد مالي الأرض .. الزرع مالي الأركان... علم مصر ... حاجة كده ولا الجامعة الامريكية ..وحواليهم كل الوزراء والناس المهمة ديه .. فعلا ... نموذج للمدرسة المصرية الخيالية !! ..وسألت بابايا سؤال " ..هما كل الوزراء والناس المهمة ديه والريس ساكنين جنب بعض فـطلعوا بالصدفة فنفس الدايرة ولا إيه ؟".... سكت لحظة وضحكت وقمت الحق الكلية !!
الشارع بقى كان عجيب جدا ..فااااضييييي..عمري ماشفت شارع هندسة فاضي كده..والدنيا هادياااا..ولا أكنه يوم الجمعة..المهم .. شفت حد من صحابي في الكلية , واتكلمنا في القصة ده .. وقال لي اد إيه الناس كانت ظريفة وهو بيسأل على لجنته في القسم  الصبح ..وإن صاحبه راح يصوت  في 3 دقائق بس!! ... همممم..ماشي ..حاجة كويسة ..بس برده كان جواية حاجة مش عجباني..!!
خلصت كلية ..رحت القسم مع رنا صبري ..قالولنا سيبوا الموبيل على الباب ..ودخلنا .. طالعين دورين عشان نوصل للمكان وفي الطريق مع واحد عجيب يدور الحوار الآتي:
العجيب : حضرتك طالعة عشان الانتخابات ؟
أنا : أيوه ....* ابتسامة !!*
العجيب :مش عشان تنتخبي محمد مصيلحي برده ؟
أنا :... *ابتسامة* ربنا يسهل ...
العجيب : متتكسفيش ..قولي انك حتنتخبيه...دة حبيبنا برده  .. *ضحكة سمجة كده مرسومة على وشه :S *
أنا ورنا  بصينا لبعض وضحكنا ومشينا ... :D!!
عرفت اللجنة ومكانها ..رحنا على هناك .. نلاقيلك عم مصيلحي بقى مسيطر على الآخر...لو حد ميعرفش حاجة, يقول ماحدش نازل غيره الانتخابات ... عربية نص نقل قدام اللجنة مشغلة أغنية مخصوص متألفة  ومتلحنة عشانه ..ضحكت ضحك بقى..معرفتش أمسك نفسي الصراحة ..أصل على رأي المثل " هم يضحَّك وهم يبكي"...!!!..على الباب بقى ...واحد جامد قوي قدامه laptop عشان يشوف للناس لجنة كام..قلت " إيه ده ..حكومتنا منزلة واحد بـ لابتوب عند كل لجنة ...فعلا مصر بتتقدم ".... قربت شوية ..الاقيلك الباشمهندس تبع عمك مصيلحي برده .. :S... *هي اللجنة تبعه كلها ولا إيه :S*...ماشي..دخلنا..لقينا وجبات عمك مصيلحي مغرقة المدرسة ... أيوه بقى ...سيب الناس تاكل وتعيش :D
سألنا على اللجنة ..مسئول اللجنة كان مؤدب قوي الصراحة..حسيته على عكس كل الناس اللي قابلتهافي المشوار ده مؤدب عشان هو كده..مش عشان عنده تعليمات  فـمجبر ...أخدت الورقة وعملت اللي عملته بقى .....  وكموسيقى في الخلفية , شغلوا أغنية "اخترناك اخترناك "....!!!!
بس كده ... أنا عارفة إن احتمال فوز عمك مصيلحي 99% ...بس قلت ماشي ..نجرب برده.. يمكن نفرق في حاجة ...عشان مايجيش يوم نندم إننا مجربناش حتى ...!!!!!
بس كده..كفانا هذا القدر....الباقي في انتخابات الرئاسة لو el-blog لسة متافالتش... !!


صدق أو لا تصدق... قال لك " كادر المعلمين "!!

رواية بـعنوان “ لم اكن أنا “... من تأليف وحي خيال القارئ

After one of the hard days... listening to some old Music… remembering the happy moments I had in the past....Remembering the purity of the Old days...I Slept...Slept with few sparkling droplets over my face...

And I had a dream .. " lam akon ana"....I saw ME inside my Old school..EGC..the place where I belong ..!!...and every one was happily welcoming me in my place after leaving for those few years...anyway...without going deep into details...i heard a teacher saying " ahh...i didnt finish     ROWAYET LAM AKON ANA"!!!!!!!!!!

When I woke up in the morning, I wondered what was that novel…I had never heard about it before!... I decided to google it on the internet…maybe the name had passed by me some days ago ... and I was fascinated by the results!!!..the results had just shocked me… It showed the exact thoughts in my head at that time, the same figures which were drawn deep inside!!… does the subconscious work accurately the way "Google" finds our results..!!

The results helped to express in thoughts in this article:

رواية بـعنوان “ لم  اكن أنا “... 

لم اكن  أنا هذه البنت التي كانت تمرح طوال الوقت .. التي كانت تضفي روحا من السعادة و التفاؤل على حياة الاخرين .. التي كانت تبتسم دائما في وجه الجميع  فـيطمئنوا ويعملوا إنه لازال  هناك  أمل في الحياة … التي كانت تمتلئ بالحيوية  والنشاط .. فتتنقل من مكان  لآخر طوال الوقت .. فتظهر في جميع الأماكن في آن واحد …

لم اكن أنا هذه الأميرة التي عشقت الحياة بـكل معانيها .. التي طالما رأتها من بين رائحة الورود, فـتضفي الوانا على عالمها الخاص ..التي كانت  تتلقى طعنات من احبت بإبتسامة,   املا في ان  يترددوا  قبل الرحيل .

لم اكن أنا هذه  الغجرية عاشقة حياة الخلاء..  الساحرة عاشقة الحرية... التي دائما ماكانت تتمرد على كل من قيدها ومنع انطلاقها في  الطبيعة, التي كمنت جزء من كيانها ..لم اكن أنا تلك الراقصة السمراء ذات الشعر الاسود الطويل .. التي تخللته خصلاتها البرتقالية  فـاضافت جمالا على جمالها الغجري ..فتتراقص مع خطواتها القلوب وتسحر عيون كل من رأها .

لم اكن أنا هذه الوردة التي تنتظر الربيع من عام إلى آخر , حتى ترقص على دقات قلبها  رقصة شعاع الشمس على  مياه البحر .. وتغني بـصوتها السعيد , فـيعلم الجميع أنه قد حان موعد  الربيع فـيمتلئ الكون بالألوان المبهجة

لم اكن أنا تلك العاشقة  التي احبت رجلا فـغير حياتها على اكملها .. وهبته قلبها رغم أنه وهب قلبه لأخريات ..لم اكن أنا  تلك الساهرة التي أحبته إلى درجة الجنون , فكانت تراه في كل مكان وتكلمه في كل الاوقات  داخل عقلها المفكر .. فلم تنتظر أو تعمل على ان  يراها قلبه , فـقد اكتفت على ان تراه وتعشقه في صمت  حفاظا على كبريائها .. ففضلت ألم سكين الحب على ان يعرف  عن مشاعرها  الدافئة وحبها النقي نحوه.. الحب الذي تخلى عن أي غرض أو شهوة …. لم  اكن أنا هذه المحبة التي حاولت الهروب من حبه بين كثير من الرجال  ولكنها لم ترى عين انقى من عينيه لتسكن بـداخلها... ولا نفس اطهر من نفسه لتحتمي بها من  برد الحياة الطويلة .. ولا روح تحتويها  وتقويها حتى تواجه العالم من جديد بعد كل  صدمة تتلقاها من الاخرين ..فـتندم على كل محاولة  للبعد عن هذا العشق  فـتعود تعشقه في صمت ...

لقد غامت هذه السحابة السوداء على عالمها الخاص وتطاولت على قلبها لتشعره ببرود الشتاء القارص..حاولت ان تتماسك لفترة , وتصدت  لبعض التحديات .. وكانت تعود للحياة في كل مرة بدون الحاجة للمساعدة  ..ولكن بعد فترة , ضعفت قوتها , وتساقطت على الأرض كما تتساقط الورود في فصل الخريف ... فلم تستطع الإضافة للاخرين كما اعتادت.. مازالت  ابتسامتها تسطع  ولكن تنقصها روح الحياة المبهجة ..مازالت تعشق ورود الربيع  ولكنها فقدت القدرة على استنشاق عطرها الجذاب ..مازالت تتراقص على انغام الموسيقى , ولكنها موسيقى  غائمة مكسورة .. تماما مثل احلامها البيضاء..فـاصبحت  كالجثة , تحيا بلا روح.. وتعيش بلا رؤية..  فـانطفأت في عينيها بريق الحياة ..لم يلاحظ القادمون على حياتها هذا التغير لأنها مازالت ماهرة في تصنع السطوع.. ولكن كل من عرفها من قبل لاحظ هذاالتبدل.. فـبعضهم من رحل استياءا من حالها الجديد.. وبعضهم من أصر على استرجاعها للحياة …

لقد كسرها الحب !!!!

ولكن الشيء الوحيد الذي لم يتغير بها , ايمانها  الشديد بـمقولة “ لازال هناك أمل “ J