ﻋﻦ ﻭﺍﺣﺪ ﻋﺮﺑﻲ ..

"ﻟﻴﻪ ﺍﻟﻤﺮﺓ ﺩﻱ ﺑﺎﻟﺬﺍﺕ ﻋﺮﺑﻲ..

ﻭ ﺇﻧﺘﻲ ﻋﺸﻘﻚ ﻟﻠﻼﺗﻴﻨﻲ ﻣﻴﺘﻮﺻﻔﺶ؟"

"ﻣﻌﺮﻓﺶ

!!ﻳﻤﻜﻦ ﻋﺸﺎﻥ ﻫﻮﻩ ﺣﺎﺟﺔ ﺟﻤﻴﻠﺔ ﻣﺘﺘﻮﺻﻔﺶ..

ﺇﻻ ﺑﺎﻟﻌﺮﺑﻲ :)...

ﻟﻐﺘﻪ ﻭ ﻟﻐﺘﻲ..

ﻭ ﻟﻐﺔ ﺃﺟﺪﺍﺩﻧﺎ ﺍﻟﻠﻲ ﻣﺎﺗﻮﺍ ﻣﻦ ﺳﻨﻴﻦ

ﻭ ﺣﺮﺭﻭﺍ ﻓﺎﺭﺱ ﻭ ﺳﻮﺭﻳﺎ ﻭ ﺃﻭﺭﺷﺎﻟﻴﻢ

ﻭ ﻋﻠﻤﻮﺍ ﺍﻟﺪﻧﻴﺎ ﺍﻟﺤﻀﺎﺭﺓ

ﻭ ﻛﺘﺒﻮﺍ ﺍﻟﻌﻠﻢ ﺑﺠﺪﺍﺭﺓ

ﺑﺤﺮﻭﻑ ﻣﻦ ﻧﻮﺭ

ﺑﺎﻟﻌﺮﺑﻲ! ...

ﻳﻤﻜﻦ ﻋﺸﺎﻥ ﺷﻜﻠﻪ ﻓﻴﻪ ﺣﺎﺟﺔ ﻋﺮﺑﻲ

ﺣﺎﺟﺔ ﺷﺮﻗﻲ

ﺣﺎﺟﺔ ﻣﺨﺘﻠﻔﺔ ﻋﻦ ﺟﻤﻴﻊ ﺍﻟﺠﻴﻨﺎﺕ؟

يمكن ..

يمكن عشان من ﺍﻟﺰﻣﻦ ﺍﻟﻠﻲ ﻓﺎﺕ

ﺍﻟﻠﻲ ﻣﺶ ﻫﻴﺮﺟﻊ ﺗﺎﻧﻲ

ﺃﻳﺎﻡ ﻣﺎ ﻛﺎﻥ ﻓﻲ ﺭﺟﺎﻟﺔ ﻭ ﻓﻲ ﺳﺘﺎﺕ

ﻻ ﻣﻬﺠﻨﻴﻦ ﻭﻻ ﻣﻬﺠﻨﺎﺕ :) ..

ﻳﻤﻜﻦ ﻋﺸﺎﻥ ﺃﺻﻠﻪ ﻋﺮﺑﻲ؟

ﺃﺻﻠﻪ ﻣﺼﺮﻱ؟

ﺃﺻﻠﻪ ﻗﺎﺭﻱ ﻓﻲ ﻛﻞ ﺍﻟﻌﻠﻮﻡ

ﺃﺻﻠﻪ ﻻﻓﻒ ﻭ ﺃﺻﻟﻪ ﺩﺍﻳﺮ

ﻭ ﺷﺎﻑ ﺧﺒﺎﻳﺎ ﻛﻞ ﻭﺍﺣﺪ، ﺯﺑﻮﻥ ﺯﺑﻮﻥ؟

ﻳﻤﻜﻦ... ﻣﻌﺮﻓﺶ!!

ﺣﺎﺟﺔ ﻏﺮﻳﺒﺔ... متتوصفش

ﻫﻮﻩ ﺛﻮﺭﻱ ﻳﺴﺎﺭﻱ؟

ﻭﻻ ﺷﻴﺦ ﻭ ﻗﺎﺭﻱ؟

ﻫﻮﻩ ﻣﺴﻠﻢ ﺯﻱ ﻣﺎ ﺑﻴﻘﻮﻝ ﺍﻟﻜﺘﺎﺏ؟

ﻃﺐ ﻭ ﺻﺤﺎﺑﻪ ﻣﻦ ﺍﻟﻤﻠﺤﺪﻳﻦ ﻭ ﺍﻟﻤﻠﺤﺪﺍﺕ؟!!

ﺇﺳﺘﻨﻲ ... هو بـبساطة ﺑﻴﻘﺒﻞ ﻛﻞ ﻭﺍﺣﺪ ﺯﻱ ﻣﺎﻫﻮﻩ ﻣﻦ ﺳﻜﺎﺕ

ﻣﺒﻴﺤﻜﻤﺶﺑﺸﻌﺮ ﺭﺍﺱ ﻭﻻ ﻃﻮﻝ ﺩﻗﻦ

ﻭﻻ ﻗﺼﺮ ﻗﺎﻣﺔ ﻭﻻ ﻛﺒﺮ ﺳﻦ!!

ﻋﺎﺭﻑ ﻳﺎﻟﻠﻲ ﺑﺘﺴﻤﻊ...

ﺳﺎﻋﺎﺕ ﻛﺘﻴﺮ ﺑﺮﺍﻗﺏ ﻛﺘﺎﺑﺘﻪ ﻣﻦ ﺑﻌﻴﺪ

ﻭ ﺃﻓﺘﻜﺮ ﻛﻼﻣﻨﺎ ﻋﻦ ﺍﻟﻌﺎﻟﻢ ﺍﻟﺨﻔﻲ ﺍﻟﻋﻤﻴﻕ

ﻓﺎﻛﺮ؟

ﻓﺎﻛﺮ ﻟﻤﺎ ﻛﻠﻤﺘﻚ ﻋﻦ ﻧﺼﻲ ﺍﻟﺘﺎﻧﻲ

ﺃﻭ ﺍﻷﻭﻻﻧﻲ .. ﻣﺶ ﻓﺎﺭﻗﺔ ﻛﺘﻴﺮ

ﻓﺎﻛﺮ ﻟﻤﺎ ﻗﻮﻟﺖ ﺇﻧﻪ ﻻﺯﻡ ﻳﺒﻘﻲ ﺻﺎﺣﺐ ﻭ ﻳﺒﻘﻲ ﺃﺏ

ﻭ ﻳﺒﻘﻲ ﺷﻘﻴﻕ ﻭ ﻳﺒﻘﻲ ﺇﺑﻦ

ﻭ ﻳﺒﻘﻲ ﻧﺼﻲ

ﻓﺎﻛﺮ ﻳﺎ ﻧﺼﻲ :) ؟!

أنا ﺇﻛﺘﺸﻔﺖ ﺇﻥ ﺇﻧﺖ ﻫﻮﻩ 

ﺑﻌﺪ ﻭﻗﺖ ﻣﻦ ﺍﻟﻜﻼﻡ

و ﺈﻛﺘﺸﻔﺖ ﺇﻥ ﻻﺯﻡ ﺃﺑﻌﺪ

 ﻗﺒﻞﻣﺎ ﺃﺗﺠﺮﺟﺮ ﻓﻲ ﺍﻟﻜﻼﻡ

ﻭ ﺃﻋﺘﺮﻑ ﺇﻧﻲ ﺑﺤﺒﻚ

ﻭ ﺇﻧﻲ ﺑﺤﺘﺍﺟﻚ

ﻭ ﺑﺗﺴﺤﺮ ﺑﻜﻞ ﺣﺮﻑ ﻓﻲ ﻛﻼﻣﻙ

ﻭ ﺃﺳﻴﺐ ﺻﻭﺭﺗﻲ ﺻﺎﻓﻴﺔ ﻓﻲ ﺧﻴﺎﻟﻚ

ﻭ ﺃﺗﻤﻨﺎﻟﻚ ﺣﻴﺎﺓ ﻋﻈﻴﻤﺔ

ﻣﻊ ﺃﻣﻴﺮﺗﻚ ﺍﻟﺟﻤﻴﻠﺔ

ﻭ ﺗﻔﺘﻜﺮﻧﻲ ﺑﻜﻞ ﺧﻴﺮ

ﻭ ﺗﻘﻮﻝ ﺃﻧﻬﺎ ﻛﺘﺒﺖ ﻣﺮﺓ

ﻋﻦ ﻭﺍﺣﺪ ﻋﺮﺑﻲ :)!!

قبيلتي الغجرية !!

لما بدأت أكتب البتاعة ديه.. بدأت ادور عن المعنى اللغوي لكلمة غجر.." شعوب قليلة جدّاً تلك التي حِيكَ عنها هذا القدر من الأساطير والخرافات مثلما حيكَ عن الغجر، فالغموض الكثيف الذي يكتنف أصلهم يتجلّى بشكل واضح في التسميات العديدة التي أطلقتْها عليهم الشعوب التي جاوروها أو مرّوا بها في ترحالهم الأبديّ نحو أرضٍ لن يجدوها أبداً.".... 

  وبرضه لقيت : "هم قوم جفاة متجوِّلون ، منتشرون في جميع القارّات ، يتمسَّكون بتقاليدهم الخاصَّة ، يعتمدون في معاشهم على التِّجارة ، أو عزف الموسيقى وقراءة البخت ".......

اساطير.. خرافات .. غموض.. منتشرون في القارات..متمسكون بالتقاليد !! ... و ممكن اضيف كمان " عاشقي الحياة البرية.. بسطاء  .. كارهون للتكلف... مقدسون للحرية.. وخطهم الأحمر هم الكرامة....!! 

كارمن.. 

"اساطير.. خرافات .. غموض.. منتشرون في القارات..متمسكون بالتقاليد !! ."
فاكرين كارمن؟, ملهمتي من أيام المراهقة.. وحتى الآن :)؟ ... فاكرين ازميرالدا في أحدب نوتردام ؟.. و  جنيفر لوبيز في " Aint It Funny".. فاكرين إيه اللي كان بيجمع بين ال 3 دول ؟... لاحظتوا الروح الحرة ..فاكرة أنا أوي إن  كارمن بجد كانت بتحب جوزيه... لكن أول ماقرر يسيطر,مشيت... طارت قبل مايمسكها .. وسبحان الله .. عندي شعور قوي جدا إن حتحور  (الهة الحب و الأمومة والموسيقى و الغناء عند المصريين القدماء ) كانت أصلها غجري .. أو كانت شبه الغجر في  حاجات كتير !! الصفات السابق ذكرها ... حتى لو الكلام ده مش صح .. مش مهم.. كوني مقتنعة بـكده ده كفاية :) !! 
السؤال الكبير بقى...ايه اللي جاب السيرة دلوقتي بالذات  ؟.. مش متأكدة الحقيقة .. ما عنديش أي سبب.... الا إني بحب الغجر...مفيش كتير من اللي بيقروا دلوقتي حيفهموا إن ده مش مجرد رغي.. بس آخر حاجة عايزة أقولها , إني لسة بدور على قبيلتي اللي سابتني في المدينة هنا ومشيت... يمكن اشوفهم لما نروح بيتنا الأصلي... الله أعلم... مين عارف.. يمكن :) !! 

السلفيون فى مشاهد..أسئلة تحتاج لإجابة !!

المشهد الأول:

مظاهرة للسلفيين, نصرة للشيخ حازم أبو أسماعيل لأثبات جنسية أمة... بينما لم تهتز لأحد شعرة عندما تم عمل فحص عذرية إجبارى لبنات مصر .. ولا عند سحل بنت مصرية مسلمة و تجريدها من ملابسها على الملأ أمام عيون العالم !!...

السؤال هنا: هل جنسية أم الشيخ حازم أهم من عرض بنات مصر؟!! سؤال يحتاج لإجابة ! 

المشهد الثانى:

يوم اعلان القرار الاخير للجنة الانتخابات بـإستبعاد الشيخ حازم , هتف أنصار  الشيخ : لو فيها فساد , حي على الجهاد "!! السؤال : ألم يكتشف الطيار السلفي وجود فساد يستدعي النزول للميدان إلا  اليوم ؟!

المشهد الثالث:

عندما يهتف أنصار أبو أسماعيل من امام مجلس الدولة:  " يا مشير اتلم اتلم، لنخليها بركة دم."عندما يسألكم الله يوم الدين , فى ماذا أستشهدتم؟  .. ستقولون نصرة للدين, أم نصرة للوطن؟؟ أم لنصرة  لأم الشيخ؟!!!

المشهد الرابع:

 لم نسمع قط عن مظاهرة للثوار نصرة للبرادعى و لا لتكذيب الأشاعات التى قيلت عليه ... و لكننا نرى مظاهرات للسلفيين نصرة لنصر الشيخ حازم فى شخصه!و هنا أيضا يأتى السؤال: هل مظاهرات السلفيين لنصرة أشخاص أم لنصرة وطن !! 

 المشهد الخامس:

  عندما يتناقش علماء العالم فى تقسيم القمر و إنشاء مدن جديدة عليه, بينما يطالب نائب سلفى أن  تدريس اللغة الأنجليزية حرام ... هل هذا ما سيكون علية مستقبل التعليم إذا مسك السلفيون الحكم؟ 

المشهد السادس:

تفسير الشيخ حازم لإختصار  PEPSI  .. و عند ادعاءه ان كارتر و اوباما ليس لهم خبرة سياسية قبل ان يصبحوا رؤساء ، فى حين ان اوباما انتخب كعضو مجلس الشيوخ لولاية الينوي من 1997 ل 2004 ثم عضو مجلس الشيوخ الفيدرالي من 2005 الى 2008... و كثير من المعلومات الخاطئة الأخرى.. و رد مؤيدينه أن هذه أخطاء واردة لأى شخص الوقوع فيها السؤال: هل  كان الرسول أو الخلفاء الراشدين أو أى من السلف الصالح يرى أن معرفة الحاكم عن تفاصيل العالم من حوله أمر غير ضرورى ؟؟ 

المشهد السابع:

عندما أجمع التيار السلفى أن ثورة 25 يناير المجيدة حرام شرعا لأنها خروج عن الحاكم حتى و لو كان ظالم .. ثم يقول "الشحات"(أحد السلفيين المشهورين),أن الديموقراطية حرام..... ثم نراه أول من يرشح نفسه لأنتخابات مجلس الشعب ...و نراهم فى الكراسى الأولى للمجلس...و نراهم يؤيدون الشيخ حازم السلفى لرئاسة الجمهورية .. هل تنفيذ الأحكام الشرعية يكون حسب المصلحة الشخصية؟ (دة بفرض أنهم فاهمين الدين صح) !

المشهد الثامن:

عندما أدعى النائب البلكيمى أنه تعرض لسطو بلطجية, أسفرت عن جروح فى وجهه... و يتضح بعد ذلك أن الجراحة فى وجه النائب نتيجة لعملية تجميل بالوجه...... أليس الكذب يخالف الشريعة و الأخلاق يا سيادة النائب ؟  

المشهد التاسع: 

 عندما اتصفح بعض النقاشات بين أنصار التيار السلفي واخرون على صفحات موقع التواصل الاجتماعي " فسيبوك".. أرى كثير من تعليقات السلفيين تميل إلى التعصب الشديد ..وبعضها يصل إلى درجة السباب للطرف الآخر ( الا من رحم ربي)السؤال: ألم يقل الرسول (صلى الله عليه وسلم) عن العصبية " دعوها .. فـإنها منتنة "...وقال أيضًا " ليس المؤمن بـسباب ولا لعان" !!! 

وكثير من المشاهد التي مازلت ولازلت تثير وستثير تعجب الكثير من المصريين ... و السؤال هنا : ماهي علاقة السلف الصالح بـسلف 2012 !! .... سؤال محوري ينتظر الإجابة !