نور =) .......

يعني هو العظيم ان الواحد يلاقي ناس !! ... وجود الناس الحلوة من حوالينا حاجة أساسية إن ماكانتش الوحيدة اللي بتدي دفعة لقدام ... اللي بتخلينا قادرين نكمل إختبارنا في الدنيا .. نكمل حياة !! =)

بالليل ... وإسكندرية... وانعكاسات القمر الجميلة على مية البحر بين المراكب في المينا الشرقية =)..... !! ... القمر  النهاردة كامل ... مبهج ... كله دفا و حب ...بيسحر كل اللي بيسرح فيه =) ... بيمد كل اللي مركز معاه بـكل معاني الطاقة الايجابية... الطاقة الحلوة ... الطاقة اللي فيها نور =) ... القمر كامل .. ودافي .. ومنور =)... منور علينا كل حاجة صعبة في الدنيا ... ودايما موجود.  !! ... أيوه في ايام بيختفي.. لكن دايما جوانا يقين إنه موجود ... العلم بيقول كده ... نروح بس  بينور ويطفي ...  بالضبط زي حياتنا في الدنيا ديه ... دايما بتنور وتطفي =) 

...!!

بقالي كتيير قوي مقعدتش القاعدة ديه ... آخر مرة  بالضبط كنت هنا كان من 3 رمضانات فاتوا ... لما نيرة كانت في مصر =). صلينا التراويح في القائد إبراهيم واتمشينا لحد بحري ... آيس كريم من عند عزة وقعدنا على البحر ... على كورنيش المينا الشرقية =)...

مش فاكرة  بالضبط اتكلمنا في إيه , يمكن عن ربنا , يمكن حياتنا اللي كلها سفر , يمكن عن الاختبارات العجيبة اللي بنعدي بيها... مش فاكرة  بالضبط الصراحة .... بس الحاجة الوحيدة اللي فاكرها ,إحساسي بعد ماتكلمنا .... كنت حاسة بـنور جواية ...وحسيت قوي إني عايزة اقفل عنيا عشان صورة المراكب بالليل وهي بتتمايل تحت ضوء القمر تفضل آخر حاجة أشوفها على طول ... وكان نفسي اقفل وداني عشان مسمعش أي حاجة مؤذية بعد سكينة الليلة ديه =) !!  كان شبه دلوقتي كده, يوم 13 رمضان والقمر بدر ... كامل .. منور و سعيد .. ومالي الدنيا سكون و هدوء و سكينة وسلام داخلي =) ... وفوق كل ده , مالي الدنيا نور =)... نور بيخلي أيامنا أحلى.. وبيدينا ثقة إن دايما مهما القمر إختفى , أكيد... الشهر الجاي بالكتير حيكون جه علينا قمر تاني جديد... , يضفي على حياتنا فرحة ويلهمنا بـروح مختلفة  ... أو بـمعنى أبسط , يملا حياتنا  نور = ) !!!

المينا الشرقية , 7:15 م

اسكندرية , مصر =)

27 مارس 1989 ( +23)