حبيبتي منار
السلام عليكم ورحمة الله وبركاته ...
عاملة إيه ؟.. يارب تكوني كويسة ومبسوطة .. يا ترى لسة عندك 8 سنين ونص؟ ولا كبرتي وبقيتي تسعة ؟.. إنتي وحشتني قوي و وحشتني أيام ابتدائي ... وحشتني الضفيرتين الطوال والفلتين اللي كنتي بتحطيهم في شعرك. انا, لسة فاكرة لحد دلوقتي الجيب شورت البنفسجي اللي كنتي دايما بتبلسيه ... و أكتر حاجة فاكرها لما كنا في رابعة ابتدائي ودخل علينا مدير المدرسة الفصل فجأة و قال " إحنا سمعنا إن في حد منكم كان بيألس على ميس علا ... مين فيكم اللي عمل كده ؟" .... أنا عيني نزلت عليكي و متشالتش, و إنتي بعد ماتردتي لحظة, رفعتي إيدك بـمنتهى القوة و قلتي " أنا يا مستر " .. أي نعم خدك وكل الفصل كان عنده فضول يعرف حيعملوا فيكي إيه ... بس أنا كنت سعيدة جدا بيكي و بجرأتك و بـشجاعتك رغم إنك كنتي بتترعشي من جوه .
أنا مش عارفة إنتي فين دلوقتي و لا بتعملي إيه .. بس أنا كل الحاجات بتربطني بيكي بتخليني أضحك ضحكة عريضة جدا كل ما أفتكرها ... فاكرة ؟ .. فاكرة لمتنا عند تيتة يوم الجمعة و الأكل الجميل اللي كانت بتعملهلنا؟ .. فاكرة لما كنا بنلعب مع ولاد خالتنا في الشارع؟.. فاكرة لما كان كل واحد مننا بيجيب حاجات حلوة كتير بـمصروفه وبنعمل تورتة حاجات حلوة و ناكل كلنا سوا ؟ ... طب فاكرة لما كنا بنرن الجرس على الجيران و كانت أختك و باقي العيال يطلعوا يجروا أوام و كل مرة إنتي اللي بتتقفشي عشان كنتي صغيرة و لسة بتدحرجي و مش بتعرفي تجري بسرعة زيهم ؟....
تعرفي إني من ساعة ما عرفت قصتك مع المصوراتي وانا زعلانة منك قوي .... ماكانش معاكي حق خالص لما الراجل المصوراتي الرخم قالك: "ماتضحكيش قوي كده .. عنيكي مش باينة في الصورة و شكلك مش بيبقى حلو " .. ليه سمعتي كلامه؟ .. من ساعتها لحد ما ربنا فك العقدة وانتي مش بتضحكي في الصور ... وكل صورك في الفترة ديه طالعة وحشة قوي !! ... كنتي المفروض تقوليله: "صور و إنت ساكت حضرتك ... أنا بحب أضحك في صوري على قد ما أقدر زز حتي لو عينيا مش باينة "...تاني مرة ماتسيبيش يا منار حد يشيل منك حاجة حلوة بـكلام سخيف بعد كده ... لو سمحتي!!..
أنا ما عنديش أي فكرة ليه الوقت ما بقاش ليه طعم زي زمان .. وليه بطلنا نعمل الحاجات اللي بنحبها ؟.... ليه بطلنا نجيب الشيبسي أبو ربع جنيه الأحمر اللي مرسوم عليه قمر؟!.... ليه بطلنا نبحلق في السما طول الوقت ؟.. ليه بطلنا نتجمع على تمثيلية الساعة سبعة و بطلنا كمان نشوف زينا و هركليز على القناة التانية زي زمان و نستني بابا لما يروح عشان نجري عليه ونشوف جابلنا إيه معاه ؟... ... ليه ما بقاش في صور كتير لينا مع بابا وماما؟ .. ليه مامتك بطلت تعملك بلوفر العيد التريكو زي كل سنة و بقيتوا تشتروا جاهز وخلاص زي باقي الناس؟.. ليه بطلنا نروح مرسى مطروح كل صيف مع خالتنا؟... ليه باباكي بطل يجيبلك أكل من عند ومبي و بطل يأكلكم جيلاتى من عند عزة ع البحر, وتبقي منبهرة جداً بالفران اللي بتجري بين الصخر تحت رجليكي و عماله تقرقد في كوبايات الأيس كريم البلاستيك؟ ... ليه بطلتي تلعبي في الشتا و تطرطشي على العيال كلها بالمية لحد ماشرباتكم تبقى بتتعصر مية؟ ... حاجات كتير أنا مش لاقية إجابة عليها ...و مش عارفة أصلا هو في إجابة ولا لأ ....
عاملة إيه ؟.. يارب تكوني كويسة ومبسوطة .. يا ترى لسة عندك 8 سنين ونص؟ ولا كبرتي وبقيتي تسعة ؟.. إنتي وحشتني قوي و وحشتني أيام ابتدائي ... وحشتني الضفيرتين الطوال والفلتين اللي كنتي بتحطيهم في شعرك. انا, لسة فاكرة لحد دلوقتي الجيب شورت البنفسجي اللي كنتي دايما بتبلسيه ... و أكتر حاجة فاكرها لما كنا في رابعة ابتدائي ودخل علينا مدير المدرسة الفصل فجأة و قال " إحنا سمعنا إن في حد منكم كان بيألس على ميس علا ... مين فيكم اللي عمل كده ؟" .... أنا عيني نزلت عليكي و متشالتش, و إنتي بعد ماتردتي لحظة, رفعتي إيدك بـمنتهى القوة و قلتي " أنا يا مستر " .. أي نعم خدك وكل الفصل كان عنده فضول يعرف حيعملوا فيكي إيه ... بس أنا كنت سعيدة جدا بيكي و بجرأتك و بـشجاعتك رغم إنك كنتي بتترعشي من جوه .
أنا مش عارفة إنتي فين دلوقتي و لا بتعملي إيه .. بس أنا كل الحاجات بتربطني بيكي بتخليني أضحك ضحكة عريضة جدا كل ما أفتكرها ... فاكرة ؟ .. فاكرة لمتنا عند تيتة يوم الجمعة و الأكل الجميل اللي كانت بتعملهلنا؟ .. فاكرة لما كنا بنلعب مع ولاد خالتنا في الشارع؟.. فاكرة لما كان كل واحد مننا بيجيب حاجات حلوة كتير بـمصروفه وبنعمل تورتة حاجات حلوة و ناكل كلنا سوا ؟ ... طب فاكرة لما كنا بنرن الجرس على الجيران و كانت أختك و باقي العيال يطلعوا يجروا أوام و كل مرة إنتي اللي بتتقفشي عشان كنتي صغيرة و لسة بتدحرجي و مش بتعرفي تجري بسرعة زيهم ؟....
تعرفي إني من ساعة ما عرفت قصتك مع المصوراتي وانا زعلانة منك قوي .... ماكانش معاكي حق خالص لما الراجل المصوراتي الرخم قالك: "ماتضحكيش قوي كده .. عنيكي مش باينة في الصورة و شكلك مش بيبقى حلو " .. ليه سمعتي كلامه؟ .. من ساعتها لحد ما ربنا فك العقدة وانتي مش بتضحكي في الصور ... وكل صورك في الفترة ديه طالعة وحشة قوي !! ... كنتي المفروض تقوليله: "صور و إنت ساكت حضرتك ... أنا بحب أضحك في صوري على قد ما أقدر زز حتي لو عينيا مش باينة "...تاني مرة ماتسيبيش يا منار حد يشيل منك حاجة حلوة بـكلام سخيف بعد كده ... لو سمحتي!!..
أنا ما عنديش أي فكرة ليه الوقت ما بقاش ليه طعم زي زمان .. وليه بطلنا نعمل الحاجات اللي بنحبها ؟.... ليه بطلنا نجيب الشيبسي أبو ربع جنيه الأحمر اللي مرسوم عليه قمر؟!.... ليه بطلنا نبحلق في السما طول الوقت ؟.. ليه بطلنا نتجمع على تمثيلية الساعة سبعة و بطلنا كمان نشوف زينا و هركليز على القناة التانية زي زمان و نستني بابا لما يروح عشان نجري عليه ونشوف جابلنا إيه معاه ؟... ... ليه ما بقاش في صور كتير لينا مع بابا وماما؟ .. ليه مامتك بطلت تعملك بلوفر العيد التريكو زي كل سنة و بقيتوا تشتروا جاهز وخلاص زي باقي الناس؟.. ليه بطلنا نروح مرسى مطروح كل صيف مع خالتنا؟... ليه باباكي بطل يجيبلك أكل من عند ومبي و بطل يأكلكم جيلاتى من عند عزة ع البحر, وتبقي منبهرة جداً بالفران اللي بتجري بين الصخر تحت رجليكي و عماله تقرقد في كوبايات الأيس كريم البلاستيك؟ ... ليه بطلتي تلعبي في الشتا و تطرطشي على العيال كلها بالمية لحد ماشرباتكم تبقى بتتعصر مية؟ ... حاجات كتير أنا مش لاقية إجابة عليها ...و مش عارفة أصلا هو في إجابة ولا لأ ....
في الختام ... أنا مفيش حاجة زيادة عايزة أقولها ... عايزة بس أوصيكي إنك تكوني دايماً لطيفة مع الناس .. و تضحكي .. و أنا عارفة إنك شاطرة في ده .... بس الأهم, إن لما حد يزعلك, خدي موقف و زعقيله .. إوعي تسكتي ... و إتعلمي دايما تقولي لأ ... و عيشي زي مانتي شايفة مش زي ماهما شايفين ....
سلامي ليكي .. و لمي و لبابا و لماما :)
