كان يوم عجيب قوي بقى... ليلتها , قعدت أسأل الناس على الانترنت " يا جماعة , أنا مش عارفة لجنتي فين .. معقولة حضرب مشوار للقسم عشان أعرف وبعدين أروح اللجنة في مشوار تاني ؟.. مينفعش يعني ينزلوا القصة ديه على ال site وخلاص ؟"... كان من الردود اللي سمعتها "على الموقع إيه بس ؟..إنتي شفتي فيلم عسل اسود كام مرة ؟".... فـسكت ولقيت ان مفيش حل تاني :Sصحيت يومها الصبح .. بفطر مع العائلة الكريمة..watching "صباح الخير يا مصر " كالعادة ...عاملين مجهود جامد الصراحة عشان يغطوا الإنتخابات ..ألاقيلك خير اللهُم اجعله خير .. تغطية ل " الرئيس وحرمه يدلون بـأصواتهم في انتخابات مجلس الشعب".. مبنى مدرسة عظيمة في القاهرة .. السجاد مالي الأرض .. الزرع مالي الأركان... علم مصر ... حاجة كده ولا الجامعة الامريكية ..وحواليهم كل الوزراء والناس المهمة ديه .. فعلا ... نموذج للمدرسة المصرية الخيالية !! ..وسألت بابايا سؤال " ..هما كل الوزراء والناس المهمة ديه والريس ساكنين جنب بعض فـطلعوا بالصدفة فنفس الدايرة ولا إيه ؟".... سكت لحظة وضحكت وقمت الحق الكلية !!
الشارع بقى كان عجيب جدا ..فااااضييييي..عمري ماشفت شارع هندسة فاضي كده..والدنيا هادياااا..ولا أكنه يوم الجمعة..المهم .. شفت حد من صحابي في الكلية , واتكلمنا في القصة ده .. وقال لي اد إيه الناس كانت ظريفة وهو بيسأل على لجنته في القسم الصبح ..وإن صاحبه راح يصوت في 3 دقائق بس!! ... همممم..ماشي ..حاجة كويسة ..بس برده كان جواية حاجة مش عجباني..!!
خلصت كلية ..رحت القسم مع رنا صبري ..قالولنا سيبوا الموبيل على الباب ..ودخلنا .. طالعين دورين عشان نوصل للمكان وفي الطريق مع واحد عجيب يدور الحوار الآتي:
العجيب : حضرتك طالعة عشان الانتخابات ؟
أنا : أيوه ....* ابتسامة !!*
العجيب :مش عشان تنتخبي محمد مصيلحي برده ؟
أنا :... *ابتسامة* ربنا يسهل ...
العجيب : متتكسفيش ..قولي انك حتنتخبيه...دة حبيبنا برده .. *ضحكة سمجة كده مرسومة على وشه :S *
أنا ورنا بصينا لبعض وضحكنا ومشينا ... :D!!
عرفت اللجنة ومكانها ..رحنا على هناك .. نلاقيلك عم مصيلحي بقى مسيطر على الآخر...لو حد ميعرفش حاجة, يقول ماحدش نازل غيره الانتخابات ... عربية نص نقل قدام اللجنة مشغلة أغنية مخصوص متألفة ومتلحنة عشانه ..ضحكت ضحك بقى..معرفتش أمسك نفسي الصراحة ..أصل على رأي المثل " هم يضحَّك وهم يبكي"...!!!..على الباب بقى ...واحد جامد قوي قدامه laptop عشان يشوف للناس لجنة كام..قلت " إيه ده ..حكومتنا منزلة واحد بـ لابتوب عند كل لجنة ...فعلا مصر بتتقدم ".... قربت شوية ..الاقيلك الباشمهندس تبع عمك مصيلحي برده .. :S... *هي اللجنة تبعه كلها ولا إيه :S*...ماشي..دخلنا..لقينا وجبات عمك مصيلحي مغرقة المدرسة ... أيوه بقى ...سيب الناس تاكل وتعيش :D
سألنا على اللجنة ..مسئول اللجنة كان مؤدب قوي الصراحة..حسيته على عكس كل الناس اللي قابلتهافي المشوار ده مؤدب عشان هو كده..مش عشان عنده تعليمات فـمجبر ...أخدت الورقة وعملت اللي عملته بقى ..... وكموسيقى في الخلفية , شغلوا أغنية "اخترناك اخترناك "....!!!!
بس كده ... أنا عارفة إن احتمال فوز عمك مصيلحي 99% ...بس قلت ماشي ..نجرب برده.. يمكن نفرق في حاجة ...عشان مايجيش يوم نندم إننا مجربناش حتى ...!!!!!
بس كده..كفانا هذا القدر....الباقي في انتخابات الرئاسة لو el-blog لسة متافالتش... !!
صدق أو لا تصدق... قال لك " كادر المعلمين "!!
Dina Medhat Assar:
ردحذفana ro7t nafs el 2esm el sob7 w nafs el madrasa... w ana da7'la wa7ed sa2alni 7atente7'bi meen 2oltelo na3am..mesh el mafrood eni ma2olesh ya3ni wala eih...wesho e7mar w 2ali shatra...2ama w anal gowa el lagna kano so friendly..bas tawelt showaya 3ala bal ma astaker w dol bara bey2ololi yalla ya dina 2oltelhom sbooni ya gama3a a7'od wa2ty fe eih LOOOOOOOOOL..w la2eit wa7ed ganbi men el fel lagna beybos 3al wara2a...2omt m7'abyaha w 2oltelo howa fe eih..2am mashi :D
bas kan yom lateef 7a2i2i :D
Kariman Mohamed:
ردحذفlagnty madraset 3abas 2l 3a22ad lel setat lol sidi gaber abraz morsha7iha tarek tal3at mostafa . it was the same kan fe hdo2 bas kan feha nass kteer we nass fel share3 b microphones bihalelo we wagbat 3'ada le mozafeen 2l legan . 2l ta3amol kan koias ma7adish razel aw sa2al 2as2ela 3'abya . kan fe twagod 27'wany fel makkar we biwaza3o soret boshra alsamny . kan fe set 3'albana awi awel mad7'alt 2l madrsa 3atetny soret morasha7 mostakel ramz 2l daraga lol we 2alettly wenaby 2nt7'bii we 2amana we keda we kanet mole7a ana mabsetsh fel war2a we s2altha howa 7ezb watany 2aletly ah ! so i didn't vote for him we ana tal3a la2etha bardo and she asked me if i did i gave her the look that i didnt so she was about to cry we ana 7ameltek amana 2l mohem howa nazel mostakel we hya ya3ni mish fahma 7aga we ana shaket , bas hya s3bet 3alia