أنا واحدة … مش كبيرة قوي لسة ..عندي 21 سنة .. بدرس في كلية هندسة.. اخترتها بـمزاجي … وكنت بحلم من وانا في أولى ثانوي بالكلية ديه.. كان دايما بيبهرني طريقة تفكير المهندسين ..وتحليلهم للمواقف وتعاملهم بذكاء .. وأنا بـصراحة,أكتر حاجة ممكن تشدني لحد إنه يكون ذكي … بحب أكتب … كنت زمان بكتب عن أفكاري ..أو باكتب poems English وبنزلها على الفيسبوك .. بس بعد فترة كده ..حسيت إن في كلام كتير قوي نفسي أقوله... أقوله واعبر بيه عن اللي جواية .. لكن مش حابة حد يعرف أنا بفكر إزاي ..ولا إيه الأفكار اللي بتدور جوه راسي .. فـكنت ساعات باكتب على الفيسبوك ستاتيوس مش مفهومة لحد ..) ماهو عشان أنا مش عايزة حد يفهم أصلا (.. فـكان في ناس بتقولي “ طب بدل مانتي مش عايزة حد يفهم.. بتكتبي ليه أصلا ؟".. سألت أنا فعلا نفسي السؤال ده … لقيت إن في اجابتين ..أول إجابة إني بحس إن الكتابة ده الحاجة الوحيدة اللي بقدر اعبر بيها عن نفسي ..أنا أصلا شخصية مش سهل قوي اعبر عن call they what "feeling inner" .. فممكن اتفرج على حاجة تقرف ..ومقلش أي كلمة ..بس ابتسامة على وشي وخلاص.. وده عشان في أوقات , بحس إني لو اتكلمت حطلع قليلة الأدب .. مش بعرف اتحكم في انفعالاتي قوي ..سواء الداخلية أو الخارجية .. فـمش بدي أي رد فعل قوي من بره, مع إن جواية في انفجارات قوية .. بتأثر عليا بـشكل سلبي... وبرضه بفضل أسكت .. مش سلبية ..بس بحس إن اللي حواليا اقل من إني اناقشه .. أو ممكن نقول السكوت دة بيكون تحضير لرد يسكت أي حد لو اتطلب رأي .. غير كده , فاكس … أنا حتفرج عليكم وحسمع وبس …أما السبب التاني بقى , إني مش شخصية كتومة بـطبعي, ممكن أقول اصبحت كتومة شويةحاليا ..بس أنا أصلا مش كده , فـلسة بميل لطبعي القديم إني أتكلم عن اللي جواية .. بس برده مع طبعي الجديد إني مش بثق في تفكير حد , و عشان مش أي حد حيفهمني ) ده لاني أنا ساعات مش بفهم نفسي (.. فـمش من حقهم يعرفواولا يفهموا أنا بفكر إزاي.. !!.. فـبيطلع في الآخر كلام عجيب ..كلام كويس قوي عشان طالع من جوه ..وفي نفس الوقت مش مفهوم.. عشان أنا قاصدة ده !!
وده بالضبط اللي خلاني أبدأ أكتب بلوج..حقدرأقول اللي أنا عايزاه منغير رقابة ومنغير فلترة للكلام ..أنا حرة, أكتب أي حاجة تيجي في بالي . الفكرة عندي من زمان .. اللي خلاني النهارده بالذات أبدأ أكتب ..إني حسيت إن الأفكار اللي بتيجي في بالي مش قادرة اتعامل معاها لوحدي anymore .. فقررت إني لازم أقول رأي في كذا حاجة أنا شايفاها .. أو أقول أنا إزاي شايفة حاجات معينة , ومن أنهي زاوية ..أكتب لما بفرح أو بزعل .. أكتب بدل ما أعيط.. بدل ماتجنن ) الإحساس اللي بحس كتير قوي إني على بعد نص خطوة منه ..وفي أوقات بوصله فعلا بس ربنا بيستر).. مش لازم أكتب حاجة مفهومة …في أوقات حفرغ الطاقة اللي جواية هنا وفي أوقات هاكتب كلام منطقي مفهوم ) hope I )..
آخر حاجة حقولها, اسم البلوج “ أنا حرة “ جت من تعلقي القوي بـفيلم وراية احسان عبد القدوس " أنا حرة “.. أخدت الرواية ده شعار ليا من وانا في ثانوي مثلا.. إني حتمرد وحكسر أي حاجة تمنع حريتي .. وأي حاجة تمنعني أكون على طبيعتي.. الطبيعة اللي أنا أصلا جزء منها ..تاني حاجة..أسلوب “ أحمد العسيلي" في كتاب ملوش اسم مقصرة عليَّ حبة اليومين دول .. كام يوم كده وحرجع أكتب بـاسلوبي تاني .. كفاية كده 4 today !!
manar i love it !!!!!!!
ردحذفto7faaaaaaaaaaaaaaaaaaa
gameeedd geddddddddddddnnn bgddd w ana mn awl al motab3eeen leeky from now 3l blog :D
good job w kameeellyyy
w 3agbanny awwi 3ala bo3d nos 7'atwa de :D 3ashan ana kaman bawsalha :D:D:D
Reemy ;)
im glad to to the 1rst one to comment on ur blog,keep it up girl..i can understand every word uve just said,pour out everything ,its really healthy :)
ردحذفبحب البلوج اللي بتبقى عن حياة البني أدم والمواقف اللي بيواجهها،، من النوع اللي بحبه يعني ف القراية .. ساعات كتير بتعلم منه وكده .. عجبتني أوي أول بوست يا منار وعجبتني فكرة "انا حرة" والدافع اللي خلاكي تكتبي .. عاوزة أقرالك كتير بإذن الله وربنا معاكي ف الميد ترم بقى ..
ردحذف:D :D
حلو جداً
ردحذفتشبهينى إلى حد ما
في جزئية الهندسة
_ بس أنا لسة فى تالتة ثانوي السنة دي_
ده حلمى من و أنا ف ساتة إبتدائي
و في جزئية التعبير عن الـfeeling inner
الكتابة بالنسبة لي أسهل كتير من الكلام
أممم
أتمنى نشوف بوستاتك قريب
Well done Manar !! Le Chapeau 3la ra2y tamora elly ana 3aref ank mesh betete2eh :)
ردحذفw to3tabar nazareya bardo mawdo3 " Ana 7orra " dah
w en sha2 Allah teb2a a7san w akbar blog fe Masr w el 3alam Kolo :)